42. Ignorante

[Letlet]

DILAT na dilat ang mga mata nila ni Birang habang nakatutok ang mga mata sa isang bagay na mayro'ng palabas-ang sabi ni Lance ay telebisyon daw ang tawag dito.

"Siya din, Letlet! Gusto ko din siyang mapangasawa!" Sigaw ni Birang habang nakaturo sa telebisyon.

Nakangiwi na tumingin siya sa kaibigan. "Lahat nalang itinuro mo. Akala ko ba si Vicencio ang gusto mong mapangasawa?" Lahat nalang yata ng lalaki basta maputi ay gusto nito maging asawa.

"Ah basta lahat sila gusto ko maging asawa." Nagtitili pa ito ng maghalikan ang dalawang tao sa loob ng telebisyon.

Kanina pa hindi bumabalik si Lance. Gusto niya sana na puntahan ito pero hindi naman niya alam kung nasaan ito.

"Saan ka pupunta?" Tanong ni Birang ng makita siya nitong tumayo.

"Lalabas lang ako, hahanapin ko si Lance." Aniya.

Tumayo si Birang at lumapit sa kanya. "Sasama ako! Ayoko maiwan dito."

Nginuso niya ang telebisyon. "Panoorin mo nalang ang mga asawa mo d'yan. Malay mo swertehin ka at mapangasawa mo ang isa d'yan