46. Salawal

[Letlet]

PATAKBO siyang lumapit kay Birang ng makita ito. "Birang!"

"Letlet!" Malakas na boses ni Birang. Para silang bata na tumatalon habang magkahawak pa ang mga kamay.

Narito sila ngayon sa bahay ni Vicencio. Katulad ng bahay ni Lance ay napakalaki nito. Nabanggit niya kay Lance na gusto n'yang makita si Birang, at ito nga ay pinagbigyan agad siya nito.

Habang abala si Lance at Vicencio sa pag-uusap ay narito naman sila ni Birang kwarto kung saan ito tumutuloy ngayon.

"Letlet, lalo kang gumanda." Puri ni Birang sa kanya na ikinangiti niya. "Pero syempre mas maganda ako sa'yo."

Inirapan niya ito. "Nasaan na ang listahan natin?" Nilahad niya ang palad. "Gagawin pa ba natin, o hindi na?"

Halos magkandarapa si Birang na kunin ang listahan nila. Listahan ng mga bibilhin at gagawin rito sa Maynila.

"Syempre gagawin, no! Kaya nga tayo nandito, di'ba!"

Napahawak siya sa baba habang nakadapa sa higaan na ang tawag pala ay 'kama. "Ano ang uunahin natin pagkatapos bumili ng makukulay na s