50. Duda 2

[Letlet]

NAKAKAPAGOD.

Parang bibigay ang katawan niya sa sobrang pagod at sakit ng ulo. Paano ay kumuha si Lance ng magtuturo sa kanya, o tutor kung tawagin. Bukod sa salitang 'English' ay itinuturo din sa kanya ang tungkol sa lahat ng bagay tungkol dito sa Maynila. Ayon pa kay Lance ay kapag natutunan niya ang tungkol sa mga bagay dito ay marami pang ibang ituturo sa kanya-

Hindi pa nagsisimulang ituro sa kanya ang ibang bagay na 'yon pero ngayon palang ay sumasakit na ang ulo niya!

'Sweetheart, ginagawa ko 'to hindi para sa akin, kundi para sa'yo. Kailangan mong matuto para sa sarili mo' Litanya ni Lance sa kanya.

Mahigit isang buwan na siya rito sa Maynila. May mga bagay na siyang natutunan pero kulang na kulang parin 'yon, alam niya.

Simula ng alukin siya ng kasal ni Lance ay pinakilala na rin siya sa lahat ng empleyado nito at maging sa buong mundo- sa pamamagitan ng isang video. Ayaw ni Lance na lumabas siya ng bahay at pagkaguluhan ng mga tinatawag na reporters, dahil baka map