56. Pangungulila

[Letlet]

TUMINGIN siya sa madilim na kalangitan. Napangiwi siya ng maramdaman ang malalaking patak ng ulan sa mukha.

"Kainis naman!" Mabilis na tumakbo siya sa waiting shed para sumilong. Hindi pa naman siya nagdala ng payong kanina dahil maganda naman ang panahon. Tapos uulan pala.

Pinanood niya ang mga pagdaan ng maraming sasakyan sa kalsada habang naghihintay ng pagtila ng ulan. Nang tumila ang ulan ay agad na sumakay siya ng dyip ng may dumaan. Halos bente minuto din ang inabot bago siya nakauwi sa inuupahan n'yang boarding house. Pagbukas niya ng pinto ng maliit n'yang kwarto ay agad na bumungad sa kanya ang kaibigan na si Birang na nangunguyakoy pa habang nanonood ng korean drama sa cellphone. Pagbukas kasi ng pinto ng kwarto ay bubungad agad ang double deck bed. Maliit lang kasi ang inuupahan niya. Pagpasok ay agad na bubungad ang higaan niya at maliit na mesa. Wala nga siyang upuan kaya sa sahig lang siya kumakain.

"Nandito ka na naman?" Paglapag ng bag ay kumuha siya ng damit