53. Malamig

[Letlet]

"LETLET, kumain ka na. Magkakasakit ka na sa ginagawa mo." Mangiyak-ngiyak si Birang habang pinipilit siyang kumain.

Nanatili siyang nakahiga ng nakatalikod rito. Dalawang linggo na siyang narito sa bahay ni Vicencio, sa kwarto kung nasaan ang kaibigan niya. Nang gabing iwan siya ni Lance ay hindi na rin ito nagpakita pa sa kanya. Nang magpahatid siya kay Vicencio sa townhouse ni Lance ay wala ito roon. Sinubukan siyang isama ng Lola Asun niya pero hindi siya sumama rito.

Mahina siyang napahikbi at nagsimula na naman na rumagasa ang luha niya. Dalawang linggo na siyang umaasa na lilitaw si Lance sa kanyang harapan at aalamin ang katotohanan mula sa kanya. Umaasa siya na papakinggan nito ang paliwanag niya.

"L-Letlet..." Awang-awa si Birang sa kanya.

"W-Wala akong kasalanan." Umaalog ang balikat niya dahil sa labis na pag-iyak. "W-Wala akong kasalanan..."

Yumakap sa kanya si Birang na umiiyak na rin. "A-Alam ko 'yon, Letlet. Wag kang mag-alala dahil tiyak na matatauhan si Lanc