39. Maynila

[Letlet]

LITERAL na nakanganga sila ni Birang habang nakatingin sa mga bagay na umaandar sa kanilang harapan. May mahaba, may maliit, may mga tama lang ang laki, at ang mas nakakabilib ay merong mga sakay na tao ang mga ito!

"Bus ang tawag sa isang 'yon." Tinuro ni Lance ang isang mahabang bagay na umaandar na nasa unahan. "Iyon ay kotse, ang isang 'iyon naman ay van." Marami pang itinurong mga bagay ang binata. "Ang tawag sa mga 'yan ay sasakyan. Ginagamit 'yan ng mga tao para mapadali ang pagpunta nila sa iba't ibang lugar."

Ang daming pinaliwanag ni Lance sa kanila—pero wala roon ang atensyon nila ni Birang. Paano ay ubo sila ng ubo dahil sa mabahong at makapal na usok na nanggagaling sa ilang sasakyan.

Hinimas ni Lance ang likuran niya. "Masasanay ka din dito, sweetheart. Iba talaga ang hangin dito kumpara sa Isla. Kung doon ay presko, dito naman ay hindi. Kapag tumagal ka rito ay marami ka pang malalaman na pinagkaiba nito sa Isla."

Tama si Lance. Ang hangin dito sa Maynila ay m