Chapter 26.4

Pakiramdam niya ng mga oras na iyon ay mas paborito na naman ng Mommy niya ang kaniyang Kuya Sevi dahil sa sinasabi nito ng mga oras na iyon. Palagi na lamang nitong sinasabi ang mga bagay na iyon tuwing naiinis ito sa kaniya, kaya pakiramdam niya ay ayaw siya nito dahil lagi na lamang itong ganito sa kaniya.

Napatitig siya sa kaniyang kamay na sa mga oras na iyon ay nag- umpisa ng tumulo ang pulang likido. Wala siyang naramdaman na sakit ng mga oras na iyon habang pinapanuod niya ang pagtulo ng dugo mula sa kaniyang kamay. Mas masakit pa ang nararamdaman niya sa kaniyang dibdib ng mga oras na iyon.

Ang sugat na hindi gumagaling- galing ay muli na namang nasaling dahil sa sinabi nito sa kaniya. Hindi niya tuloy maiwasang isipin kung bakit ganun na lamang ang trato sa kaniya ng kaniya ina. Naiisip pa nga niya tuloy minsan ay baka ampon lamang siya. Unti- unti niyang bnitawan ang hawak niya habang tumutulo pa ng dugo ang kaniyang kamay.

Patuloy sa pagsasalita ang kaniyang ina ng mga ora