CHAPTER 141

AKALA ni Yesha magiging maganda ang kaniyang buong araw pero nagkamali siya. Nang dahil sa lalaking iyon, sirang-sira ang maghapon niya. Pero hindi niya hinayaan na makita ng iba. Matapos mag-meryenda ang mga workers nila, ipinasyal sila nito sa loob. Manghang-mangha siya at hindi magawang makapaniwala sa kaniyang nakikita.

"Ma, noon pangarap lang natin ito oh..." Nakangit ngunit maluha-luha niyang sabi. "Tama ka anak, ni hindi ko rin akalain na aabot tayo sa ganito." Ngumiti na lang siya at saka in-enjoy ang paglilibot. Sobrang layo na sa dati nilang tirahan. Nagdag na rin kasi sila ng lote. Binili nila ang bakante sa tabi.

"Ma'am may gusto po ba kayong ipadagdag dito?" tanong ng engineer na kinuha ni Shawn. Talagang hindi pumayag ang nobyo niyang walang engineer. "Ah, wala na. Okay na 'yan." Nakangiting sagot naman ng kaniyang ina.

Umakyat naman si Yesha sa dati niyang kwarto. Hindi pa iyon ganoon katapos pero malapit