CHAPTER 152

WALANG nagawa si Yesha kung 'di ang hayaan na lamang ang kaibigan niyang si Erika na ireport ang lahat ng nangyayari kay Shawn. Wala naman nang ibang nangyari sa kanila bukod sa makita nila ni Erika si Kristle pero hindi pa rin talaga niya maiwasang hindi mag-alala. Sobrang natatakot siya na baka hindi niya alam ay may pinaplano na naman ang mga itong laban sa kanila. "Huwag ka na nga mag-isip diyan, let's just relax ouselves," saad ni Erika na siyang ikinabuntong hininga niya.

Kung alam lang nito kung gaano niya kagustong mag-relax, kaso hindi, e. Hindi niya maialis ang takot na nasa puso niya kahit pa ano ang kaniyang gawin o 'di kaya naman ay sabihin dito. "Sorry," aniya. Sinubukan niyang mag-focus sa ginagawa sa kaniya ng nag-aayos pero hindi pa rin niya maiwasang mabahala at bumalik sa kaniyang isipan na nasa iisang mall sila ngayon ni Kristle. 

"kung mayroon mang dapat na matakot dito, hindi tayo 'yon, Yesha. Sila 'yo. Remember, sila ang may kasalanan sa boy