CHAPTER 155

"SA totoo lang hindi ko na rin alam kung anong klase pa ng paggalang at pagmamahal ang ibibigay ko sa kanila. Kasi ginawa ko naman ang lahat para malaman nila kung gaano ko sila kamahal, pero wala pa rin namang nangyayari roon." Puno ng hinanakit nitong sabi. Hindi ni Yesha napigilan ang kaniyang sarili na yakapin ang kaibigan. Kahit na mga psychology student sila, kahit sarili nilang mental health hindi na nila magawang pangalagaan dahil sa mga nangyayari ngayon. Dahil sa mga nangyayari ngayon. "Nandito lang ako, nandito lang kami. Hindi kami mawawala sa tabi mo. Sundin mo lang kung saan ka magiging masaya. Susuportahan ka namin." Tumango ito. Si Yesha na ang unang kumalas sa yakap nilang dalawa. 

Nagpunas naman ng luha ang kaibigan niya. "Thank you sis." 

"Hahaha ano ka ba? Wala 'yon. Tara nga, pili na lang tayo ng mga damit. Ang gaganda pa naman." pagbabago niya ng usapan.