CHAPTER 40

KAAGAD na napasimangot si Yesha nang maramdaman niyang mag-vibrate ang cellphone niya. Kaagad naman niya iyong inabot at saka mabilis na sinagot. Sa dating bahay nila siya nanatili ngayon. Ayaw niyang umuwi ngayon sa bahay ni Shawn dahil ayaw niyang umiyak ulit. Kakatapos lang niay roon at ayaw niyang magtago ulit para lang pakawalan ang halo-halong emosyon na kumukulong sa kan'ya ngayon roon.

Malapit na rin naman ang pasukan nila kaya mapapadalas na lang din ang pagkikita nila ni Shawn. Sisiguraduhin niyang hindi sila nito halos magkikita kahit na nasa iisang bahay. At sisiguraduhin di niyang magagawa niya ng maayos ang trabaho niya kahit na nasa ganoon silang sitwasyon.

"Hello?" inaantok niyang tanong mula sa kabilang linya. Ni hindi nga niya tiningnan kung sino ang tumatawag e!

"Yesha..." sapat na ang baritonong boses nito para mapatayo siya at mawala bigla ang kan'yang antok. Takang inilayo niya ang cellphone mula sa pagkakalapat sa kan'yang tainga saka tini