CHAPTER 41

KATULAD ng araw na hinihintay niyang huwag dumating ay dumating na nga. Hindi siya halos mapakali habang nasa loob ng taxi. Nanginginig ang tuhod niya sa hindi malamang dahilan. Ayaw naman niyang humarap dito na mukhang kinakabahan pero mukhang ganoon nga talaga ang mangyayari. Kahit anong libang ni Yesha sa sarili, hindi pa rin niya maiwasang mangamba. At isa pa pala... bakit ba nawala sa isipan niya na sahuran na pala ngayon.

Maghaharap at maghaharap sila ni Shawn. Sana pala nag-inarte na siya noong una pa lang na bigyan siya ng credit card kung saan iyon ang gagamitin niya para kuhanin ang sweldo niya.

Bakit ba kasi hindi niya iyon naisip noon?

"Bayad po kuya." kaagad naman inabot ng driver ang bayad niya. Siya naman ay mabilis na bumaba. Iisipin pa lang niya na magkakaharap sila. Gusto na niyang lumubog sa lupa.

Para siyang tangang nagdahan-dahan papasok sa loob ng gate at todo ingat na huwag iyon gumawa ng ingay.

Ayaw niyang malaman ni Shawn n