SICK

Mabigat ang katawang bumangon si Mhia. Ilang araw na ganoon ang pakiramdam niya at palagay niya’y mas lalo pa iyong tumitindi sa paglipas ng mga araw.

Kaagad siyang napakapit sa gilid ng kaniyang kama nang biglang umikot ang kaniyang paningin. Muli siyang naupo habang sapo-sapo ang ulo.

It was really getting worst. Baka nga kailangan na niyang magpatingin sa doctor.

“Mhia, apo—” Mabilis na napapasok sa loob ng silid niya ang kaniyang lola. “Anong nangyayari sa iyo? Masakit na naman ba ang ulo mo? Namumutla ka,” punong-puno ng pag-aalalang wika nito.

Tumango siya. “Magpapatingin na ho ako.” Inunahan na niya ito. Alam kasi niyang iyon ang sasabihin ng kaniyang lola.

“Mabuti pa nga at baka kakaiba na iyan. Maputlang-maputla ka na. Halata rin ang pagkahulog ng katawan mo. You’re not eating well, Mhia. Baka dahil doon kaya ka