Chapter Fifty Six

"Madam, pinapaakyta po ni Sir." 

Pinanuod ko lang kung paano ayusin ni Nay Becka ang prutas na ipinabili ko kay Eugene kanina. Suminghot ako, dama pa ang pamamara ng ilong dahil sa pag-iyak. Alam kong napapansin yun ni Nanay Becka pero imbis na tanungin ako ay mas pinili niyang tahimik na samahan ako. 

"Salamat po," paos pa ang boses na sabi ko matapos abutin ang isang hiwa ng mangosteen.

"Ayos ka lang ba Madam?" maingat niyang tanong, nakaupo sa upuang naka-pwesto sa gilid ng kama kung nasaan ako. 

"Napagsalitaan ko po ng hindi maganda ang asawa ko… sumobra po ako." tinikman ko ang prutas na sa kabila ng katamisan ay wala akong malasahan.