Chapter 14

BINUKSAN ko ang salaming pinto ng dining room at pumasok sa loob kasama si Thalia. Naroon na sina Dylan at Dayana pati ang anak nilang si Dianne.

"Nandito na tayong lahat! Let's eat dinner?" masiglang tanong ni Dayana sa amin.

Ngumiti ako nang hindi abot sa mga mata. Kumuha ako ng pagkain para kay Thalia bago naglagay sa sarili kong plato. Buong oras, ramdam ko ang mga titig ni Dylan sa akin, pero pilit ko itong hindi pinapansin.

"Honey, alam mo ba? Honor student na naman itong Dianne natin! Manang-mana talaga sa iyo! Isang achiever!"

Napatingin ako kay Dylan at nahuli siyang nakatingin sa akin bago bumaling sa mag-ina niya.

"Wow! Really? Is that true, sweety?"

"Yes, daddy! Ako ang first sa klase namin!"

"Very good! I should get you a prize, then? What do you want?"

Lumaki agad ang ngiti sa mga labi ni Dianne. "I want to go to Disney!"

"Is that all, sweetie?" Mahinang tumawa si Dayana nang balingan nito ang anak. "Almost every summer vacation, nandoon tayo sa Disneyland. Wala ka bang