Damian & Anya 25

Damian's POV

NAKATAYO ako sa labas ng private room ni Margot, matagal na nakatitig sa pinto. Nagtatalo ang isip ko sa dapat na gawin. Alam ko kung ano ang tama at mali, pero ngayong buhay ni Anya ang nakataya, kahit ang mali ay gagawin kong tama.

Ilang araw na ang lumilipas, lalong humihina ang lagay ni Anya. At wala akong magawa kundi maghintay. Ayon kay Dra. Avila, sa susunod na atakihin pa ito, hindi na niya kakayanin.

Hindi ko rin kakayanin kapag nawala siya sa akin. Kaya gagawin ko ito. Mas mabuti pang mapunta sa impyerno kaysa ang mabuhay nang wala ang asawa ko.

Nanginginig ang mga kamay—pinihit ko ang siradura at maingat na binuksan ang pinto. Natigilan ako nang makita ang bumungad sa akin sa loob.

***

Nanginginig ang mga kamay ko habang nilalakad ang daan pabalik sa silid ni Anya. Balisa, hindi ko alam ang gagawin ko. Gustong lumakad pabalik ng mga paa ko, pero hindi ko magawa.

"Ito ang tama... ito ang dapat kong gawin."

Malayo pa ako sa kwarto ni Anya, napansin kong may ilang