Chapter 23

“MOMMY! Mommy wake up nandito na po tayo!”

Nagising ako dahil sa paggising sakin ng kambal na mukang tuwang-tuwa dahil nakikita na nila ang dagat.

Napatingin ako sa paligid at nakababa na pala ang mga kasama ko habang inaantay ako sa labas. Matapos ang halos anim na oras na byahe ay sa wakas nakarating na ‘rin kami.

Dahil na ‘rin kulang pa ako sa tulog ay nakatulog ako pero hindi iyon sapat dahil panay ang gising ko habang nasa byahe.

“Sorry guys, antok pa ako e,” nasabi ko nalamang sa mga ito habang nakangiti.

Nakaabang saakin si Eugene sa may bakuna ng van at inalalayan ako nitong bumaba’t hindi na inalis ang pagkakahawak sa aking kamay.

“Okay lang ‘yun Irene, matulog ka nalang ulit pagdating niyo sa room niyo,”

Napangiti ako dahil sa sinabi ni Eva at doon ko lang nailibot ang paningin ko sa paligid.

Hindi ko maiwasan na mamangha dahil sa ganda ng paligid lalo na sa aliwalas nito’t. Kasabay ng malakas na hangin sa paligid ay ang siyang tunog ng alon ng dagat na rinig na rinig