Chapter 08

Ngayong araw din pala mag-a-apply si Cali sa napili n’yang kompanya, nagsipag-alisan na rin sina Ele at Kylie maliban kay Made, siya lang pala ang maiiwan dito sa bahay.

Pagkaraan ng isang oras ay natatapos pa lang akong mag-ayos sa sarili ko. Pagkalabas ko ng bahay napahinto ako ng maalala kong nasa kompanya nga pala ang kotse ko. “Hala! Oo nga pala!” nang maalala kong hindi pala ako sumakay sa kotse ko papunta sa bahay nila Zayne, mayroon naman kasi akong kotse bakit ‘di na lang ako sumakay do’n pagpunta ko sa bahay ng sungit na ‘yon. Anong gagawin ko ngayon?

“Oh, ba’t bumalik ka? May nakalimutan ka ba?” tanong sa akin ni Cali na ngayon ay nagsusuot ng high heels niya.

“Waaaah! Iyong kotse ko naiwan sa kompanya!” sumbong ko pa.

“Oh? Really? Eh di, maganda!” sagot pa nito. Ano raw? Ayos lang sa kan’yang wala akong kotse? Paano ako makakapasok nito?

Kinunutan ko naman i’ya ng noo, “Anong maganda ro’n? Paano ako papasok, aber?”

“Mag-c-commute tayo!” masaya pang sagot niya na kinuha ang