Kabanata 20

“Sir, alis na po, ako.” Paalam ko kay Sir Danreve, na halatang nagulat dahil sa biglang pagsulpot ko sa harapan niya.

Kalalabas niya lang kasi sa walk-in closet. Bagong ligo, at bagong bihis, kaya siguradong fresh pa ang utak niya, at tiyak na papayagan niya akong umalis.

“Saan ka pupunta?” tanong niya, kumunot pa ang noo.

“Sabado po ngayon, Sir Danreve, day-off ko,” nakangiti ko pa ring sagot. Kampante nga kasi ako na papayag siya na umalis ako.

“Ang tinatanong ko, saan ka pupunta, hindi kung anong araw ngayon!” pamemelosopo niya na nagpalunok naman sa akin.

Akala ko, malamig ang utak, kasi bagong ligo, pero mainit pa rin pala. Sikmat agad. Hanggang ngayon, hindi ko pa rin talaga matansya ang ugali niya.

Minsan malambing, mabait, at maalalahanin, pero ngayon, nagsusungit na naman.

“Wala naman po akong ibang pinupuntahan, sir, si Nanay lang. Sa hospital lang po. Parang hindi mo naman po alam,” sagot ko na may kasamang paghaba ng nguso.

“Okay, I’ll go with you,” sa