Kabanata XXVIII

Mula sa pagkakatingala kay Rouge ay nilingon ako ni Ajax at tinitigan nang taimtim.

“Mas delikado sa taas Calixta kaya mas mabuti pang iwan na muna kita rito.” Marahas akong umiling sa kaniya. Ayokong magpaiwan dahil kinikilabutan ako sa tingin ng mga taong nandito, tinititigan nila ako na parang sabik na makatikim ng laman ng tao.

“A–Ayoko! Sasama ako sa iyo!” Napabugtong hininga siya at binasa ang kaniyang labi habang nakapamewang, tila na sstress na siya sa katigasan ng ulo ko.

“Ajax.. natatakot kasi ako rito, baka mas lalong may mangyari sa aking masama kung iiwan mo ako.” Lumingon siya sa paligid na tila naintindihan ang sinabi ko, nang makita niya ang lalaking may tattoo sa mukha na kanina pa ako binabastos gamit ng kaniyang malisyosong mata ay sinamaan siya ng tingin ni Ajax bago mas sinara ang jacket na suot ko.

“Isasama kita sa itaas pero kailangan mong patatagin ang sikmura mo. Huwag kang titingin tingin sa paligid dahil delikado. Diretso lang ang lakad.” Habilin niya habang