Banta ng Ina

Nagsisimula ng pumila ang lahat, kasama na kami ni Kyler. May iilan-ilang model na napapatingin sa amin lalong-lalo na sa kasama ko, marahil ay bago sa paningin nila. Isa pa ay sadyang nakakagulat nga naman, parang model talaga siya.

“Baka makita ka ni Darius na nakatitig sakin, pareho tayong malalagot.” Biro niya ng mapansin ang tigtig ko.

Hindi ko naman mapigilan na mapangiwi kunwari, “hindi naman siguro magseselos si Darius, panigurado ay alam naman niyang hindi ako magkakagusto sayo.” Natatawang sagot ko.

“Tsk! Hindi man lang nagkunwari na natatakot.” Umismid siya sa akin ng pabiro at pumila na sa hanay ng mga male models, may iilan na kumausap sa kaniya na wari’y magkakilala sila… Well, baka nga kakilala niya.

Habang ako ay wala kahit isa ang nagbigay man lang ng oras para kausapin ako, may ilan na ngumiti pero pilit o pakitang tao lang. Ano nga naman ang mapapala nila sakin lalo na’t hindi naman ako sikat na model tulad nila.

Nagsimula ng magsalita ang MC para sa event, may pina