Summer fest!

“Everyone, move faster!” Sigaw ni Noel, ngayon ko lang siya nakitang hindi mahinahon. Kahit ako ay hindi na rin mapakali sa kinatatayuan ko, ngayon ang araw na pinakahihintay ng lahat.

“Lia!” Agad naman akong napalingon ng tawagin ako ni Kyler, halata sa mukha niya ang pagkabalisa at parang hindi na alam ang gagawin.

“Anong problema, may naiwan ba na importante?” Kinakabahan na rin ako, ilang oras pa kasi ang byahe bago makabalik sa company kung may naiwan man. Malapit ng magsimula ang event, may dalawang ganap ang summer fest.

Isang show sa umaga at mamayang gabi naman ang announcement at mas i-highlight ang mga summer outfit na mananalo, hindi kami pwedeng magkamali ngayong araw.

“Si Rachel, hindi pa rin dumadating.” Sabi niya habang paulit-ulit pa rin na may tinatawagan sa kaniyang cellphone, “kanina ko pa siya sinusubukan na i-contact pero hindi sumasagot.”

“Ha? Dapat andito na siya kanina pa, asan ang glam team?” Nagsimula ng manginig ang kamay ko, bakit sa dinami-rami ng pwedeng