Chapter 26

Ginamit ni Laila ang natitirang katinuan sa kaniyang isip at natitirang lakas upang maitulak palayo sa kaniya ang lango sa alak na si Tristan. Napahakbang ito paatras ng tatlong beses samantala, napatingin naman siya sa direksyon ng sala kung nasaan ang kaniyang asawa.

Nang masigurado niya na hindi sila nakita ni Vincent ay pinandilatan niya ng mga mata ang lalaking wala sa wisyo.

"Anong naisip mo bakit mo ginawa 'yon?! Gusto mo ba talaga kaming masira na mag-asawa?!" nagtatagis ang mga ngipin niyang pabulong na tanong kay Tristan.

Ngunit sa halip na bumalik ito sa katinuan ay pagak itong natawa kaya naman lalong nagusot ang kaniyang mukha.

"M-Matagal nang sira ang relasyon niyo, Laila. I-Ikaw lang itong si tanga na umaasa pa na maaayos pa. B-Bakit hindi mo pa iwanan ang lalaking 'yan? P-Puro sakit at sama ng loob lang naman ang ibinibigay niya sa'yo. S-Sa akin ka na lang sumama."

Hinawakan nito ang isang kamay niya ngunit mabilis siyang pumiksi kasunod ang paglapat ng kaniyang pal