Chapter 46

"Hindi pa rin nagbabago ang ganda ng lugar. I am so glad na nakabalik tayo rito."

Niyakap ni Romana ang braso ng kaniyang asawa habang pinagmamasdan ang paligid. Ang mala-ginto na buhangin at kulay bughaw na karagatan ay talaga naman kaaya-aya at hindi nakakasawa na balikan.

"P-Pumunta na kayo rito?" tanong ni Lalaine sa kanila.

"Yes, Babe. Bumisita na sila rito, a year ago maybe?" sagot ni Roman sa kasintahan.

"Isang linggo kayong nag-stay rito sa pagkakatanda ko, right?" baling naman nito sa kaniya.

Alanganin na ngumiti at tumango siya sa kapatid.

"Ang sweet niyo naman. Hindi ko akalain na mahilig pala kayong mamasyal."

Hindi niya batid kung totoo ang ngiti na nakikita niya sa labi ni Lalaine o isang pagkukunwari lamang. Pagbali-baligtarin man ang mundo ay hindi pa rin mababago ang katotohanan na ex-wife ito ng kaniyang asawa at siya ang dahilan kung bakit nagkahiwalay ang dalawa kaya naman napakahirap para sa kaniya na paniwalaan ang ipinapakita na kabaitan nito.

Narating nila ang