Chapter 84

Paunti-unti, inilapit ni Evo ang mukha sa kaniya. Natutuliro ang kaniyang isip, hindi makapagdesisyon kung aatras ba o aabante . . . Kusang tumiklop ang kaniyang mga mata nang pulgada na lamang ang kanilang pagitan.

Ngunit sa huling sandali, sumagi sa isipan niya ang kaniyang asawa. Marahas na itinulak niya ang dibdib mi Evo at saka mabilis na tumayo mula sa kandungan nito.

"I-I'm sorry. H-Hindi ko pa kayang tugunin 'yang nararamdaman mo para sa akin. M-Marami akong pinagdadaanan ngayon; wala pa sa ayos ang takbo ng isip ko. A-Ayaw kong magdesisyon nang padalos-dalos."

Matulin na lumakad siya papalayo sa cottage na kanilang sinilungan; binaybay ang daan pabalik sa resort kung saan sila tumutuloy.

"Romana, sandali!"

Napahinto siya sa paglalakad nang hatakin ni Evo ang kaniyang braso.

"Evo, please! Huwag mo muna akong guluhin tungkol sa bagay na 'yan! Ayaw ko munang isingit ang paglandi sa schedule ko! Gusto kong unahin ay ang kalusugan ko para maging healthy rin si baby!"

"Alam ko . .