Chapter 91

Tahimik lang si Lalaine habang pinagmamasdan na kumain si Roman. Magana ito sa pagsubo ng mga pagkain.

"Bakit hindi mo ginagalaw ang foods mo? Ayaw mo ba ng mga inorder ko? Gusto mo bang umorder ng bago?"

Pumihit ito paharap kung nasaan ang waiter at saka itinaas ang kanan na kamay.

"Waiter!"

Agad naman na lumingon ang taga-serve na may hawak na tray, kasalukuyan itong naghahatid ng order sa kabilang table.

"Roman!" saway niya sabay hatak sa kamay nitong nakataas. Pagkaraa'y tinignan niya rin ang waiter at saka umiling, tanda na hindi nila kailangan ng serbisyo nito.

"What's wrong?"

Dahan-dahan, pinalaya niya ang bisig nito mula sa kaniyang hawak. Nakatitig lamang sa kaniya si Roman na tila hinihintay ang kaniyang tugon.

Tinignan niya ang mga pagkain sa lamesa, lahat iyon ay masarap. Mayroong chicken quesadilla, caesar salad at pasta with olive oil and garlic na lahat ay paborito niya ngunit pakiramdam niya ay wala siyang panlasa. Kinuha niya ang tinidor at saka sinimulang laruin ang