Chapter 88

Halos isumpa ni Evo ang punong mangga na 'yon nang makababa siya habang sa kaliwang kamay niya ay hawak nang mahigpit ang isang buwig na bunga.

"Heto na ang mangga mo!" masama sa loob niyang bulong bago inabot ang bagay na 'yon kay Romana.

Pakiramdam niya ay namamanhid ang kalahati ng kaniyang itlog dahil sa lintik na manggang pinaglalawayan ng kaniyang kasintahan. Puro pantal din ang kaniyang mga braso at mukha sa dami ng kumagat sa kaniya.

"Thank you!" tuwang-tuwa na sabi nito, kulang na lang ay magtatalon ito sa galak.

Matapos makapagpasalamat sa may-ari ay inihatid na niya ang babae sa condo.

"Call me kung gusto mong lumabas. Hindi ka maaaring magpagala-gala nang walang kasama. Delikado lalo't maselan ang pagbubuntis mo," bilin niya.

Umasim ang mukha nito. "Iiwan mo ako? Paano 'to?" Itinaas ni Romana ang isang buwig na mangga.

"Kainin mo! Hindi ba't gusto mo 'yan? Kailangan kong umuwi para makaligo at makapagpalit ng damit. Nilantakan ako ng mga langgam kanina," naghihimutok niyan