BIGO

Padabog na tumayo si Eckiever at galit na hinablot ang palapulsuhan ni Estacie. "Sino ka para luhuran ko?! At sino ka para sabihan ako ng ganyan. I tell you today, hangga't ako ang may-ari ng Market square, Hinding-hindi ka makaka bukas ng kahit na anong negosyo sa Prekonville. Hindi ako papayag na may isang magnanakaw na hahalo sa hilira ng mga negosyo ko." Puno ng pag-didiin na sambit ni Eckiever bago siya pabalagbag na binitiwan.

Hindi naka-imik si Estacie dahil sa narinig. Magnanakaw, siya? Bakit parang iyon na ata ang pinakamasakit na salitang narinig niya sa dalawang buhay na nabuhay siya? Kahit kailan ay hindi siya nagnakaw. Siya pa nga ang ninakawan, sino ang lalakeng ito para pagsabihan siya ng ganun? Dahil sa matinding emosyon, hindi niya napansin na pumatak pala ang luha niya.

"Magnanakaw, you say." Bulong niya. Hindi niya alam kung nakarating iyon sa pandinig ni Eckiever. "Pwede mo naman sabihin sa akin na hindi ka pumapayag. Hindi mo na kailangan na sabihin sa harap