SYLVIA

Gulat ang naging ekspresyon ng mukha ng dalagita. Medyo namula pa nga ang mga mata neto na para bang iiyak habang nanginginig ang nga kamay. Dahil dito muling ngumiti si Estacie. Ang kanyang ina naman na si Vista ay nakikinig lang habang pinagmamasdan ang dalawang babae sa harap niya.

Muling yumuko si Estacie at bumulong sa dalagita. "Wag kang matakot, hindi ako magsusumbong. Actually, naghahanap ako ng ganyang tela para sa damit na gagawin ko. Maari ba na sa akin mo na lang yan ibenta?" Tanong niya sa babae na napa-kurap ng ilang beses. "Cute-" sigaw ng isip ni Estacie.

Tumango ang dalagita bago nagpalinga-linga. Pagkatapos ay hinila nito ang isang kamay niya kaya napasunod naman sila ng kanyang ina. "Pasensya na, hindi kasi ako pwede magbenta sa harap ng maraming tao. Talaga bang gusto mong bilhin ang telang dala ko?"

Dinala siya ng dalagita sa may maliit na eskinita na kung saan ay bibihira lang mga taong dumaraan. Totoo nga talagang iniiwasan nito ang mahuli.

"Oo naman. T