Chapter 148: condo?

“Selos ka?” nakangising tanong ni Matthew sa kanyang kapatid na si Carmela. Pinapanood din nito ang pagtawa ni Wendy habang kausap si Joseph.

“Eh, ikaw? Kailan ka ba naging choosy sa babae?” agad na tanong ni Carmela sa kanyang kapatid.

Sumimangot naman si Matthew ng narinig ang tanong ng kanyang kapatid. Ayaw niya talaga sa mga babaeng agresibo, kaya sinungitan niya si Wendy kanina. Nagpangalumbaba na lamang si Matthew ng naalala ang pangunguna ni Wendy sa kanya.

“Hindi ba ako pwedeng umayaw? At saka ayaw ko sa babaeng agresibo. Masyado siyang makulit at walang class,” panglalait ni Matthew kay Wendy.

“Ganoon ba? Paano mo naman nalaman na agresibo si Wendy?” nagtatakang tanong ni Carmela kaya umiwas siya ng tingin.

Masyadong enjoy si Matthew sa night life niya parati at doon niya nakita si Wendy. Parati itong nasa dance floor at pinag-aagawan ng mga kalalakihan. Masyado itong takaw mata kaya ayaw ni Matthew ang ganoon.

“Na-meet mo na ba siya rati?” nagtatakang tanong ni Carmela.

“Bas