Chapter 57

Marami pang pinuntahan na magagandang spot sa Bascuit Bay sina Cataleya at Lukas. Mga bandang hapon ay sa Helicopter Island sila nagpunta. Nakikita niya ang magandang rock formation na nasa dalisdis ng malaking limestone cliff na naroon sa isla.

Nakaupo si Cataleya sa may buhanginan at tahimik na pinapanood niya si Lukas na abala sa paglalangoy sa dagat na kulay turquoise. Minsan pa siyang humanga sa magandang katawan nito na malaya niyang namamasdan. Hinubad kasi nito ang suot na rash guard at naka-board short na lang.

"Ano bang meron sa kagaya ni Lukas? Kahit kasi magkaibang-magkaiba ang personality nilang dalawa ay masaya suya na kasama ito. Nagkaroon ng kulay at kabuluhan ang birthday celebration niya sa araw na ito. Simula nang maulila siya at sa pagkamatay ni Claudia ay hindi na niya binigyang halaga ang espesyal na araw na iyon. Wala ng dahilan pa para i-celebrate dahil wala na siyang pamilya. Malulungkot lamang siya imbes na maging masaya.

Yes, tanggap na niya sa sarili na n