KABANATA 75.

Napangiti siya kasabay ng paglandas ng luha sa magkabilang pisngi. Hindi niya inaasahan na ganito ang eksena na kanyang maratnan sa loob ng pribadong silid ng kanyang ama.

Nasa loob ng silid ang kanyang mag-ina. Si Destiny ay pinupunasan ang mga braso ng kanyang ama, at ilang bahagi ng katawan nito, at ang Anak na si Amya ay nakatungo ito sa mukha ng kanyang ama at hinahaplos ito sa pisngi habang kinakausap.

“Ate, Destiny bubuksan ko po ba ang bintana—”

Ang kapatid na si Adriana na lumabas mula sa banyo. Natigil ito sa pagsasalita at napatingin sa kanya. Nginitian niya lang ang kapatid sabay harang ng hintuturo sa labi.

“Oo, Anna, buksan natin kahit panandalian lang ng makasagap naman ang Papa ng natural na hangin.” Tumayo ito at kinuha ang cellphone na nasa ibabaw ng bed at napakunot noo na tumitig sa screen. “Ito talagang papa mo, pinatayan ako ng cellphone.” reklamo nito sabay nguso ng labi.

Mas lalong lumapad ang kanyang pagkangiti. Kaysarap lang lukumusin ng halik ang