CHAPTER THIRTY-NINE

"Gusto sana kitang paliparin na walang pakpak, brother. Ngunit saka na lamang dahil wala ring mangyayari kung gagawin ko iyan ngayon. Go and gather your men again and prepare for search and rescue operations," pahayag ni Crystal Angela.

"Ikaw talaga, wifey loves. Naghihinagpis na nga si bayaw eh. Maari bang huwag mo nang dagdagan?" nakangiwing ani Hendrix dahil ang asawa niya ay wala na yatang pinapatawad.

"Tsk! Tsk! Kasalanan naman niya. Kung hindi ko pa siya sinapak ng dalawang beses at kinurot ay wala pa yatang balak magising sa pagkabaliw niya. At ngayon ay may paiyak-iyak pa siyang nalalaman. Ah, talagang kumukulo ang dugo ko katarantaduhan niya!" singhal nito sa kaniya.

Kaya naman ang kanilang ama na kapwa nila nababahala ay biglang sumabad. Hindi lamang iyon, napatawa pa ito dahil na rin sa malditang may sungay na hindi pinatawad ang kapatid.

"Hindi na ako magtataka kung kagaya mo na namang may tupak ang butiki sa tiyan mo. Aba'y pasalamat ka na nga lang dahil mabait ang asawa