Chapter 24

"Okay lang tayo?" tanong ko kay Dark pagkauwi namin. Nauna na ang mga bata sa taas dahil hinahabol nila ang pelikula na papanoorin.

Namulsa si Dark at pinagmasdan ako. "Oo naman. Bakit mo natanong?"

"Eh kasi.. kanina.." Hindi ko matuloy tuloy ang salita dahil paano ko nga ba sasabihin? Na bakit hindi niya ako itinuloy na hinalikan? Ipinilig ko ang aking ulo. Ayaw kong isipin niya na dismayado ako dahil sa pag-iwas niya kanina.

Tumaas ang kilay ni Dark nang makita ang pagkailang ko. "We're good, Cassandra. Don't think of any negative things because of that. Meron lang akong... naalala."

"Naalala?"

Umiling siya at lumapit. Nakatitig ang kanyang mga mata sa aking labi at bahagya akong napalunok. "Alam mo naman na gustong-gusto kita, diba?"

Nag-iwas ako ng tingin. "Y-Yeah.." Bakit ba niya iyon tinatanong? Naiilang tuloy ako.

Lumapit pa siya hanggang sa lumapat na ang likod ko sa pader. Itinukod niya ang kanyang mga braso sa magkabilang gilid ko at mataman na tinitigan ang bawat reaksyon