Ika animnapu’t limang kabanata

Sumasagitsit ang mga gulong ng sasakyan sa kalsada dahil sa tulin ng takbo nito. Pabalagbag na huminto ito sa harap ng tatlong magkaibigan na sina Vincent, Josh at Carlo. Halos takasan sila ng kaluluwa dahil gahibla na lang ang layo ng katawan nang mamahaling kotse mula sa kanilang kinatatayuan.

Nang makabawi sa labis na pagkabigla ay napalitan ng galit ang takot sa mukha ng tatlo kaya galit na sinipa ni Carlo ang gulong ng sasakyan habang si Vincent at Josh ay pilit na pinapalabas ang driver nito.

“P*tcha, ang yabang mo ah, porke nakakotse ka lang akala mo kung sino ka ng hari ng kalsada!” Umuusok sa galit na sigaw ni Josh bago malakas na hinampas ang hood ng kotse. Habang si Vincent ay lumapit sa bintana at malakas na kinatok ang tinted na salamin nito saka sumenyas sa driver na bumaba ng sasakyan. Halatang umuusok din ito sa galit na anumang oras ay handa ng manuntok.

Marami ng tao ang nakikiusyuso at maging ang mga ito ay galit sa may-ari ng kotse. Ang tingin ng lahat ay matapob