BOOK 4 TZHS 27 - RIHANNA & DUSTIN

SAMANTALANG ISANG ORAS ANG NAKALIPAS, nagising si Rihanna. Nakita niya ang maraming mukha na nakatambad sa kanya. Ang kanyang triplets na sina Zeck, Zeyven at Eignzo, Ang dalawang babae sa quadruplets na sina Dharyne at Dharylle.

“Si Rheniel?” Agad siyang bumalikwas ng bangon.

“Mom, Nandoon na si Dad, at Dustniel.. Hindi nila pababayaan si Rheniel.” Wika ni Dharylle at niyakap ang ina.

“Isa pa yan, ang ama ninyo. Nakakasama siya ng loob. Siya ang unang nakakaalam ng tungkol sa nangyari kay Rheniel ngunit inilihim niya sa akin. Hindi niya ako sinama na pumunta ng ospital.” Humagulgol ng iyak si Rihanna.

“Mom, intindihin mo na lang si Dad. Sobrang mahal ka no’n kaya hindi niya muna sinabi sa’yo dahil nakakasama sa kalusugan ninyo.” Paliwanag ni Dharyn.

“Mas lalong sumama ang loob ko dahil sa ginawa niya.” Giit ni Rihanna sa mga anak.

“Mom, hinimatay nga kayo ng malaman n’yo ang nangyari kay Rheniel di ba? Kaya may dahilan din si Dad, kung bakit hindi niya sinabi.” Pinahid ni Dharyll an