CHAPTER 34 - HIS STRONGEST RIVAL

"Rih, may problema ba?"

Umiwas ng tingin si Rihanna ng marinig ang tanong ni Drake sa kanya. Ayaw niyang makita nito ang namumuong luha sa mga mata niya. Katulad niya, Filipino-American na rin si Drake, kaya fluent din ito sa pagsasalita ng filipino.

"Wala akong problema Drake, talagang gusto ko lang mag celebrate ng birthday ko." Pagdadahilan niya kay Drake.

"Bakit? Dahil dumating ba siya? Nabalitaan ko ang nangyari sa birthday mo kanina. Ganun ka na ba kadisperada para kalimutan siya? Kailangan mo pang isakripisyo ang sarili mo sa pamamagitan ng pagpapakasal sa hindi mo mahal, para lang kalimutan siya. I thought you had learned to forget him?" Halata ang galit sa boses ni Drake.

"Hindi ganun kadali 'yun Drake. Akala ko rin, unti-unti ko na siyang nakalimutan, ngunit tangina masakit pa rin. Nasasaktan ako na isipin na ikakasal na siya sa iba." Ngumiti siya at mabilis na pinahid ang luha niya. Saka muli itong nagtanong. "May yosi ka ba d'yan? Pahingi."

Lalong nagtagis ang mga bagang n