CHAPTER 35 - WIN HER BACK

Walang magawa ang may ari ng nasabing Disco Bar ng makita nilang lumabas di Dustin habang nakasakay sa likod nito si Rihanna na mahimbing pa ring natutulog.

Ano ba naman ang panama nila sa isang makapangyarihang tao, tulad ni Dustin Crawford? Hindi kilala ang pangalan nito, ngunit kapag DC Corporation na ang binanggit, marami ka ng maiisip. Alam ng lahat na hindi lang basta makapangyarihan ang may ari ng DC Bank Corp. Isa itong napaka misteryosong tao, na kayang bilhin ang kahit sino. Ngunit ngayon lang nila nalaman na sa kabila pala ng walang kapantay nitong kapangyarihan, mayroon din itong kahinaan—at "yun ang asawa nitong si Rihanna.

**

Past midnight na ng nakarating si Dustin sa palasyo. Bahagya pa siyang nagulat ng makita niya si King Rhiannon na nag-aabang sa malaking sala habang nakaupo sa couch.

Yumuko lang siya dito tanda ng paggalang bago nagpatuloy sa pag-akyat sa hagdanan.

Maingat niyang pinahiga si Rihanna sa kama sa loob ng silid nito. Mahimbing pa rin ito sa pagtulog.