CHAPTER 67 - PREGNANCY?

"Luv, may problema ba?" nagtataka na tanong ni Rihanna habang papalapit kay Dustin na kasalukuyang nakaupo sa veranda ng mansyon. Mahaba ang tulog niya, kaya alas singko na ng hapon, siya nagising. Nakita niyang malalim ang iniisip ni Dustin, lumapit siya at umupo sa tabi nito.

Binalingan siya ng asawa at niyakap ng mahigpit, inamoy-amoy pa ang leeg niya, waring nagpapalambing.

"Iniisip ko lang luv, kung sino ang nagpapatay kay Jax sa kulungan," sagot nito.

Gulat na kumalas si Rihanna mula sa yakap ni Dustin.

"What? Wala ka namang inutusan upang patayin siya hindi ba?" takang tanong niya.

"Bakit ko naman gagawin 'yon, kung wala naman sa kanya ang hinahanap natin? Wala pa sa plano ko na ipapatay siya."

Kakatapos lang magsalita ni Dustin ng dumating si Mr. Stuart.

"Master, I'm sorry kung ngayon lang po ako dumating, hinanap ko pa kasi ang katawan ni Jax," bungad agad ni Mr. Stuart. Halatang hinihingal ito sa pagsasalita.

"Anong nangyari?" tanong ni Dustin.

"Master, ang sabi ng mga pulis,