CHAPTER 87- TRAITOR

“Dustin, anong nangyari kay Rihanna?” nag-aalala na tanong Donya Alice ng makita si Dustin na nagmamadaling umakyat ng hagdan habang karga si Rihanna. Nakita kasi nito na maraming talsik ng dugo ang damit ni Rihanna kaya akala nito may masamang nangyari na sa anak niya. Pumunta lang ang mga ito sa anniversary gala, at ngayon umuwi ang anak niya na ganito na ang itsura.

Binalingan ni Dustin si Donya Alice. "Huwag po kayong mag-alala mom, walang nangyaring masama kay Rihanna, saka na ho kami magpaliwanag, dalhin ko na lang muna siya sa silid namin upang makapagpahinga.” saad ni Dustin, saka idinagdag. “Si Rhayan po?”

“Ah, kanina pa natulog, katabi ng lolo niya, alam mo naman ang anak mong yan, masyadong spoiled sa lolo niya,” sagot ni Donya Alice.

“Ganun po ba, sige ho dalhin ko na muna si Rihanna sa 'taas.” paalam ni Dustin.

Pagpasok sa kanilang silid, pinaupo muna niya ang asawa sa couch at pinainom ng maligamgam na tubig.

“Kamusta na ang pakiramdam mo?” Hinawakan niya ang kamay n