CHAPTER 90 - HIDDEN PLAN

Dahil sa ginawa ni Rihanna na pag subsob ng mukha ni Gwen sa plato ng adobong pusit, galit na galit itong gumamit ng kanyang martial arts technique. Mabilis nitong hinawakan ang kamay ni Rihanna at malakas na sinipa ang tiyan niya, dahilan upang tumilapon ito sa sahig. Mabuti na lang at mabilis na tumalon si Dustin mula sa kinauupuan niya at sinuportahan ng katawan niya ang katawan ni Rihanna, kaya hindi ito masyadong napuruhan. Dalawa sila, ang napa-semplang sa ilalim ng kabilang mesa.

"Luv, okay ka lang? May masakit ba sa'yo? Puno ng pag-aalala ang boses ni Dustin. Nakita niyang hawak ni Rihanna ang tiyan niya, kaya lalo siyang nag-alala.

Galit niyang binalingan si Gwen, akmang tadyakan muli nito si Rihanna ng agad niyang hinarangan at hinawakan ang paa nito dahilan upang ito naman ang natumba sa sahig.

Dahil sanay lumaban si Gwen, alam ni Dustin na mas lalong lumakas ang babae ngayon dahil sa bilis at liksi ng mga kilos nito. Mabilis itong tumayo ay naghanda ng sunod na pag-atake n