THZ 51 - BURIAL

“Fernan, bakit mo ako dito binaba sa harapan ng mansyon?” reklamo ni Hailey sa asawa ng huminto ang sasakyan sa harapan ng mansyon nila.

“Magtatanong ka pa? Alam mo na ang sagot ko riyan. Bumaba ka na at marami pa akong gagawin sa opisina.” Nagtitimpi sa galit ang Don.

“Fernan ano ba ang ikinagalit mo, ang lapit lang naman ng salon na pinupuntahan ko ah. Di ba bago tayo umalis ng mansyon alam mo na may schedule ako sa salon ngayon? Ipapaayos ko itong bu—”

“Baba!”

Huminto si Hailey sa pagsasalita ng bigla siyang sinigawan ni Fernan. Parang iiyak ito na tumingin sa asawa.

“Fernan, sinisigawan mo na ako ngayon? Dahil ba kay Dwayne? Ano ang pinakain sayo ng lalaki na iyon, bakit nag-iba na rin ang trato mo sa akin? O, baka naman may ibang babae ka na!” umiiyak nitong tanong.

Nagbuga ng hangin si Fernan bago bumaba ng kotse, at umikot sa kabilang pintuan kung saan si Hailey nakaupo.

“Bumaba ka na kung ayaw mong sa harapan kita ng kulungan ibababa! Baka nakalimutan mo kung magkano