THZ 68 - COMPLICATED SITUATION

“Kapag may nangyari kay Dad, hindi ko mapapatawad ang sarili ko, Uncle. Lumaki akong mulat sa katotohanan kung paano niya kami protektahan. Sana ngayon ako naman. Hayaan niyang ako naman ang pumoprotekta sa kanya.”

“Son, matanda na ako. Tumanda na ako sa tabi ng Daddy mo. Huwag ka sanang magalit sa kanya kung nagawa niyang ilihim sayo ang plano niya. Nang makita ng Daddy mo ang sitwasyon mo noon habang buhat mo si Hera, sinumpa ng iyong ama na habang buhay siyang nandyan para sa inyo. Na hindi siya dapat makampante kahit subok na niya ang talino at katapangan mo. Dahilan niya, matanda na siya at kayo bata pa. Dapat noon, tinapos na ng ama mo ang serbisyo namin sa kanya matapos niyang matagpuan na buhay ka pa. Ngunit muli niya kaming tinipon at pinag-isa para sa mga huling laban namin. Kaya asahan mo ng nandiyan palagi ang iyong ama sa lahat ng mga laban mo.”

Magkasunod siyang tumango. Naintindihan niya ang saloobin nito. Umangat siya ng mukha at sabay silang napatingin sa gawi ng emer