THZ 69 - LUNCH

Pagdating ng mansyon, nagulat ang lahat ng makita ang maraming sugat sa mukha at buong katawan ni Dustin.

Napaiyak si Rihanna ng makita ang sitwasyon ng asawa niya. Nanginginig ang mga kamay nito habang hinahaplos ang pisngi ni Dustin.

"Anong nangyari sa 'yo? Naospital ka hindi mo man lang sinabi sa akin?" Nanunumbat na sabi nito. Pati si Rhayan, galit nitong tinapunan ng tingin.

"Mom, I'm sorry. May sakit kayo sa puso at ayokong may mangyaring masama sa inyo." Hinging paumanhin ni Rhayan. Akmang yayakapin nito ang ina ngunit hindi siya nito hinayaan. Talagang nagtatampo ito sa kanilang mag-ama.

"Dahil sa may sakit ako sa puso tinanggalan nyo na ako ng karapatan na mag-alala sa inyo. Ano niyo ba ako? Sino ba ako sa pamamahay na ito? Hindi ba isa akong asawa at ina? Ngunit nagawa ninyong maglihim sa akin!" Galit itong tumalikod sa kanilang dalawa at umakyat sa silid nito.

Nagkatinginan lang ang mag-ama.

"Don't worry son, ako na ang bahala magpaliwanag sa mommy mo." Tinapik niya ang ba