Chapter 46

Sandra's POV

ANG mga bagay sa paligid ay tila bumagal ang paggalaw. Maging ang pag-ikot ng carousel ay tila bigla na lamang huminto.

Nang marinig ko ang malambing na tinig na iyon ni Lucas, tila nanumbalik ang lahat sa aking isip, ang mga panahong nasa mansion pa kami at ang araw kung paano niya ako pinahalagahan. Tuluyang natunaw ang puso ko nang marinig ang salitang second chance. Ano nga ba ang dapat kong itugon sa tanong na ito?

Dapat ko bang hayaang mabuo ang aming pamilya? O dapat kong tuparin ang mga pangakong binitiwan ko lalong-lalo na kay Gab.

"Sandy!"

Naputol ang mga bagay na aking iniisip nang marinig ko ang tinig ni Gab mula sa earpiece na suot ko.

"Sandy, huwag mong sabihin sa 'kin na naniniwala ka sa lalaking 'yan?" muling wika ni Gab. "We are going there now!" muli niyang wika sa kabilang linya.

Narinig ko ang pagputol ng mga salitang iyon, ibigsabihin ay pinutol na ito ni Gab at handa na silang magtungo sa kinaroroonan namin ni Lucas.

Marahan kong sinara ang aking pal