Chapter 49

Sandra's POV

MABILIS na tumayo si Gab sa harapan ko upang maputol ang pag-uusap ng mga mata namin ni Lucas.

"Sandy, focus on me," saad ni Gab na nagpaputol sa mga bagay na aking iniisip.

Mariin akong napalunok at napayuko dahil sa ginawa ni Gab.

"I'm sorry," saad ko.

Ngumiti naman siya at tila nawala ang agam-agam na nababakas sa mukha niya kanina.

"It's okay," aniya saka hinawakan ang aking kamay.

Nagsimulang maglakad si Gab patungo sa table na naka-reserve para sa amin. Palihim naman akong sumulyap kung saan naroon si Lucas. Hindi ko akalaing nakatingin pa rin pala sa direksyon ko si Lucas, dahilan upang bawiin ko agad ang pagtama ng tingin ko sa kanya.

Nakita ko ang pag-smirk ni Lucas. Matapos iyon ay nagsimula silang lumakad ni Trina habang naka-angkla ang kamay nito sa kanya. Nababakas ang malaking ngiti ni Trina habang kumakaway sa mga bisitang nasa venue. Nagtungo sila sa bagong kasal na sina Mico at kanyang asawa.

"Congratulations, Mico. I never thought na dadalo ako sa kasal