Chapter 51

Sandra's POV

SA PAGLALIM ng gabi, nanatili akong tahimik habang nakasakay sa kotse ni Lucas. Nagpresinta siyang ihatid ako sa bahay at pumayag naman ako roon. Hanggang ngayon, ramdam ko pa rin sa aking puso ang sakit. Tila nawalan ako ng isang kaibigan, isang kaibigan na nakasama ko noon sa hirap at tinapon ko lang iyon nang gano'n-gano'n.

Bakit nga ba napakahirap maging masaya? Bakit nga ba napakahirap ngumiti sa tuwing naaalala mong mayroon kang taong nasasaktan?

"Sandy, time will heal all pain. Alam kong makakayanan ni Gab ang lahat ng ito."

Naputol ang mga bagay na aking iniisip nang marinig ang tinig ni Lucas. Napatingin ako sa kanya at diretso lang siyang nakatingin sa kalsada habang seryosong nagmamaneho.

"Pero, Lucas. Alam ko kung gaano kasakit ang ginawa ko sa kanya. Isa pa, malaki ang utang na loob ko kay Gab at tinuring ko na rin siya na isa sa aking pamilya, kaya ganito na lang ang panghihinayang ko," sunod-sunod kong paliwanag kay Lucas.

Napatingin ako sa aking kamay nang