Chapter 59

Sandra's POV

TILA binuhusan ng malamig na tubig ang aking katawan nang marinig ang sinabing iyon ng isa sa mga bodyguard ni Lucas. Nagsimulang bumilis ang tibok ng aking puso at balutin ng kaba ang buo kong sistema.

"P-Paano nangyari 'yon? Akala ko ba ay mahigpit ang pagbabantay nyo sa kanya?" sunod-sunod kong sabi habang nanginginig ang aking labi.

"M-Ma'am, mahigpit po ang aming pagbabantay. Pero isang kwarto ang pinasok ni Sir Lucas at inutusan niya kaming maghintay sa labas," paliwanag niya.

Nanlambot ang aking tuhod, dahilan upang mawalan ako ng balanse. Mabuti na lang at katabi ko si Jennie at agad niya akong nahawakan sa balikat.

"S-Sandy!" nag-aalalang wika ni Jennie.

Hinawakan ko ang aking ulo habang nakasandal kay Jennie.

"S-Sabihin mo, ano pa ang nangyari?" muli kong tanong.

"Naghintay kami sa labas ng kwarto na 'yon tulad ng sinabi niya, ngunit nang mapansin naming matagal siyang lumabas, agad kaming pumasok sa loob dahil maging kami ay kinabahan," muli niyang wika. "Sa pa