Chapter 60

Sandra's POV

MALAMBOT ang kamang hinihigaan ko. Naaamoy ko ang paligid at sa mga oras na ito, sigurado ako na nasa loob ako ng ospital. Marahan kong binuksan ang talukap ng aking mata. Sa pagbukas nito, malabo pa ang aking paningin ngunit unti-unti itong lumilinaw hanggang sa tuluyan kong makita sina nanay at ang doktor na ngayon ay nakatingin sa akin. Nababakas ang pag-aalala sa mukha ni nanay at tatat.

"Anak, ayos ka na ba?" agad na tanong ni nanay.

"O-Opo, nay, okay na ako."

Marahan kong ginalaw ang aking katawan, saka umupo. Inalalayan naman ako ni nanay sa pagsandal ng aking likod sa headboard ng kama na kinahihigaan ko.

"Nahimatay ka kanina sa dressing room, anak. Agad ka naming sinugod dito sa ospital," muling saad ni nanay.

Kumunot ang aking noo nang maalalang hinimatay ako. Maya-maya lang, nanlaki ang aking mga mata nang maalala ang dahilan kung bakit ako hinimatay.

"Nay, si Lucas? L-Ligtas ba siya? Nasaan siya?" hysterical ko.

Hinawakan ni nanay ang aking balikat at pilit ak