Chapter 25

Maaga akong gumising para pumunta kina Kristel. Maagang umalis ang mga magulang ko kaya malaya akong makakaalis sa bahay. Dumaan muna ako ng mall para bumili ng cake dahil plano kong tumambay sa kanila ngayon since nag leave siya sa trabaho. Hindi ko alam bakit nag leave ang bruha.

Papasakay na sana ako ng elevator nang makita ko si Lianne kasama si Liro papasok sa isang store sa may di kalayuan dito sa kinatatayuan ko. Ngumiti ako dahil finally, tapos na ang balakid sa buhay nila. Masaya sana sila kung maaga ko lang nakilala si Hiro at nalaman na hindi pala si Liro ang lalaking nakasama ko no’ng gabi. Sana ay maayos pa sana ang relasyon ni Lianne kina Mommy.

Agad akong pumasok sa elavator ng bumukas ito. Isasara ko na sana dapat nang may kamay na pumigil at pumasok si Liro. Nanlalaki ang mga mata ko habang nakatingin sa kaniya.

“I knew that it was you.” Sabi niya ng makita ako. He looks relieve na makumpirma na ako nga ‘to. Lumingon ako sa likuran niya para tignan kung kasama ba niy